Plenumi: Testimi ekstern është dështim total! (Foto)

Nxënësit e plenumit përsëri reagojnë me testimin ekstern. I drejtohen Ministrisë së Arsimit dhe Shkencës, duke i siguruar ata se ka probleme teknike sepse pyetjet nuk janë në rregull, dalin pa përgjigje, dhe kur ka përgjigje, ato nuk janë të sakta, por Ministria e Arsimit dhe Shkencës nuk ka dashur t’i dëgjojë.

“Repriza e fundit e tragjedisë “Testim ekstern” me regji nga MASH. Egoja dhe arroganca u ra në kokë. Vetëm pse jemi fëmijë, ajo s’do të thotë se keni të drejtë të mos na dëgjoni kur kemi të drejtë.  Argumentet tona ishin të padukshme për ju. Shpresoj që fotografitë që i publikojmë ç’do ditë të jenë më të dukshme.“

“T’ua kujtojmë se ajo egoja e juaj, ajo arroganca e juaj, dhe shurdhësia e juaj për kërkesat tona do të bën dëme me gjenerata” “Për çka? Për pozitë në ministri. Turp”, thonë disa nga studentët e shkollave të mesme në plenum.

Pas 2 qershorit kur nxënësit përsëri ui nënshtruan provimeve eksterne dhe u shfaqën pyetje të palogjikshme, absurde, dhe të gabuara, dhe Ministria e Arsimit mohoi se gjinden parregullsi, nxënësit e plenumit i dhanë mendimet dhe argumentet e tyre kundër testimit.

Përndryshe, testimi ekstern filloi me 2 qershor dhe do të vazhdon deri nesër. Testimi i ka përafërsisht 50,000 pyetje prej të gjitha lëndëve dhe i mbulon 183,280 nxënës dhe 17,803 profesorë.