Turqia vendos sot

Turqit sot u drejtohen kutive të votimit për ta zgjedhur Parlamentin e Ri. Çfarë duhet të dini për këto zgjedhje?

Cilët janë lojtarët kryesorë në këto zgjedhje parlamentare?

Kjo garë, do të përqendrohet tek ecuria e partisë pro-kurde të Popullit Demokratik (HDP). Për herë të parë, HDP po garon si një forcë politike, në vend të pjesëmarrjes së zakonshme me kandidatë të pavarur. Kjo parti, shpreson të kapërcejë pragun zgjedhor prej 10 përqind, i nevojshëm për të siguruar përfaqësimin në parlament.

Ndërkohë, partia qeverisëse për Drejtësi e Zhvillim (AKP), e cila ka fituar çdo lloj zgjedhjesh presidenciale, parlamentare dhe lokale, pa ndonjë opozitë serioze, që pas ardhjes së parë në pushtet në vitin 2002, po synon që krijojë një presidencë me funksione ekzekutive.

Pasi shërbeu në 3 mandate si kryeministër, udhëheqësi karizmatik i AKP-së, Rexhep Taip Erdogan, u bë presidenti i parë i vendit i zgjedhur drejtpërdrejti nga qytetarët, duke fituar 51.8 përqind të votave popullore në gusht të vitit të kaluar.

Partia e majtë Republikane Popullore (CHP), është forca kryesore e opozitës aktuale, dhe së bashku me partinë e djathtë, Partia e Lëvizjes Nacionaliste (MHP), pritet që të ruajnë përfaqësimin në Asamblesë e Madhe Kombëtare, me shpresë për t’u bërë partnerët e vegjël, në një koalicion të mundshëm me AKP.

Lajme të ngjashme

Back to top button