Mustafa-Gruevski, takim kokë më kokë për “Kumanovën”
Kryeministri i Kosovës, Isa Mustafa, dhe ai i Maqedonisë, Nikolla Gruevski, të cilët ndodhen në Tiranë si pjesëmarrës në Forumin Ekonomik të Vjenës, kanë zhvilluar edhe një takim kokë më kokë.
Mësohet se në qendër të bisedimeve ishin ngjarjet e fundit të ndodhura në Kumanovë, në lagjen me shumicë shqiptare, të njohur si “Lagjja e Trimave”.
Në përfundim të takimit, kryeministri Mustafa ka deklaruar se i ka kërkuar homologut Gruevski një hetim ndërkombëtar për ngjarjen, ku mbeten të vrarë mbi 20 persona.
Dy vendet u përfshinë në polemika me njëri-tjetrin lidhur me këtë ngjarje, pasi Shkupi zyrtar deklaroi se grupi shqiptar, që ndodhej në Kumanovë për të destabilizuar vendin, kishte ardhur nga Kosova.
