Rafael Benitez sipas të gjitha gjasave do të jetë trajner i ri i Real Madridit. Trajneri spanjoll do të jetë pasues i Carlo Ancelottit në krye të Realit.
Tifozët e Realit janë të pakënaqur dhe nuk e dëshirojnë Benitezin në krye të skuadrës, por disa statistika tregojnë krejt të kundërten.
Benitez në futbollin evropian cilësohet si ndërtuesi i sistemit të rotacionit, sistem që sot ka gjetur përdorim të madh tek trajnerët më të mëdhenj në botë. Rafa është njeriu i 14 trofeve në futboll me të gjitha skuadrat e tij, transmeton Indeksonline.
Rafa është trajneri i parë në histori të futbollit që ka arritur që me 5 skuadra të ndryshme të fitoj trofe në edicionin e tij të parë si trajner.
Rafa është trajneri i parë që ka arritur të ndërtoi skuadër të madhe duke bërë më shumë shitje të lojtarëve dhe më pak blerje. Rafa është protagonisti i ndeshjes më të madhe në histori të futbollit, finales të Stambollit ku e fitoi Ligën e Kampionëve me Liverpoolin.
Rafa është trajneri që e ka ndalur para Simeones për herë të fundit dominimin e Realit dhe Barcelonës në La Liga.
Rafa e ka fituar La Ligën, Kupën e Spanjës, Kupën e Anglisë, Superkupën, Kupën e Italisë, Superkupën e Italisë, Superkupën e Evropës, Kupën e Botës për Klube, Ligën e Kampionëve si dhe trajneri i parë që e ka fituar garën e quajtur Europa League.
Rafa është zbuluesi i madh i superyjeve të futbollit evropian si Xabi Alonso, Mascherano, e Fernando Torres.
Rafa ka qenë asistent i trajnerëve të mëdhenjë si Vicente Del Bosque e Arrigo Sachi.
Rafa është trajneri që ia ka shkaktuar Realit humbjen më të thellë në Ligën e Kampionëve, 4-0 me Liverpoolin.
Rafa është një nga të paktit trajner që e ka ndalur Barcelonën e madhe të Ronaldinhos, Messit e Etos duke e eliminuar nga Liga e Kampionëve në vitin 2007.
Rafa Benitez shquhet për atmosferën e tij që ndërton në skuadër, sistemin e suksesshëm në dy ndeshje që ka rëndësi të madhe në garat evropiane si dhe njeriu që nuk bën blerje të mëdha, por lëvizje të mençura në transferime.