Parlamenti suedez flet shqip

Faqja zyrtare online e Parlamentit të Suedisë ka nisur të ofrojë informacione dhe shërbime në gjuhën shqipe. Kohët e fundit, gjuha shqipe është vendosur në mesin e 23 gjuhëve të huaja ku jepet informacion mbi zhvillimet në organin ligjvënës suedez.

Në këtë mënyrë, shqiptarët që jetojnë dhe punojnë në Suedi, por edhe në vende të tjera, dhe që kërkojnë të informohen mbi ngjarjet politike në Suedi, mund të klikojnë pa problem në portalin e parlamentit suedez dhe mund të informohen në gjuhën shqipe.