Dy persona të maskuar dhe të armatosur me pushkë automatike mbrëmë afër mesnatës, kanë hyrë në shtëpinë e personit me iniciale A. A. , 69 vjeçar nga fshati Banjicë e poshtme duke e plaçkitur dhe duke i marrë sende gjithsej me vlerë prej 15. 000 euro.
Personat e maskuar, kanë lidhur personin A. A dhe gruan e tij N. A e kanë kontrolluar shtëpinë dhe më pas kanë marrë 13 mijë euro 300 dollarë amerikan dhe sasi ari.
Pas një kohe, i zoti i shtëpisë ka arritur të lirohet dhe ka thirrur fqinjët e tij duke e lajmëruar rastin në polici. Ekipi policor pranë njësisë rajonale në Tetovë, ka dalë në vendin e ngjarjes dhe ka marrë masa për ndriçimin e rastit.