Ndryshimi i ligjit për këshillin gjyqësor, ka përplasur deputetët dhe ministrat e BDI-së në të cilin kusht për emërimin e anëtarëve të rinj është përvoja 15 vjeçare si gjykatës. Në komisionin për sistem politik, që u mbajt ditë më parë deputeti Rafis Aliti kërkoi ulje të këtij pragu, nga 15 në 8 vjet, pasi sipas tij, numri i shqiptarëve për të përmbushur kushtin, është shumë i vogël dhe rrezikon përfaqësimin në këshillin gjyqësor, njofton Alsat-M. Ai paralajmëroi se në lexim të dytë do të propozonte amendamente për ta ndryshuar këtë ligj.
Por, ministri i Drejtësisë Adnan Jashari i cili është firmëtar i propozim/ligjit, kundërshtoi sot këto vlerësime të kolegut Aliti, madje ftoi Kuvendin që të miratojë ndryshimet.
“Pyetja ishte sa është numri i kandidatëve. Unë menjëherë do t’u jap përgjigje. Numri i kandidatëve qëi plotësojnë këto kushte është diku rreth 1100, prej të cilave diku rreth 370 janë shqiptarë, zoti RafisAliti. Besoj se kuvendi i Maqedonisë do t’u japë ngjyrë të gjelbër këtyre propozimeve, dhe këto ndryshime do të bëhen pjesë përbërëse të ligjit për Këshillin Gjyqësor”, tha Jashari.