Para ndërtesës së RTVM-së, ku është vendosur Komisioni për verifikimin e fakteve, ka filluar protesta e gazetarëve për të shprehur revoltën e tyre pas paralajmërimeve për lustrimin e gazetarëve.
Për sot ishte paralajmëruar se do të lustrohet Jadranka Kostova, kryeredaktore e gazetës “Fokus”, ndërkohë që përmenden edhe tre emra të gazetarëve të tjerë.
Gazetarët mbanin në dorë pankarta me mbishkrime: “Gazetaria në hendek”, Tome naçallnice”, “Vendime të këqija sjellin njerëzit e këqij”.
Kostova dyshon se lustrimi i saj, ose më saktë shpallja e saj për bashkëpunëtore e shërbimeve sekrete, bëhet në vazhdën e sulmeve ndaj javores “Fokus”. “Vallë nuk është kristal e qartë se Fokus është trajtuar sistematikisht nga familja në pushtet! Nuk i kënaqi vdekja e Nikola Mladenovit dhe as mbyllja e së përditshmes Fokus. Vazhduan të na përndiqnin në gjykatat e tyre.
