Një shtetas italian u arrestua sot në mbrëmje në portin e Durrësit, pasi u kap me një sasi lëndë narkotike prej 10 kg marijuanë.
Policia njofton se shtetasi italian është 30-vjeçari Michele Garante, i cili u ndalua në sheshin e trageteve. Mësohet se italiani po tentonte të udhëtonte drejt Italisë me ngarkesën e drogës.
Italiani ngjalli që në fillim dyshime tek policia kufitare, e cila më pas kërkoi kontroll më të detajuar të automjetit të tij.
Droga ishte fshehur në pjesë të ndryshme të mjetit dhe ishte mbështjellë me natriban.