92-vjeçari amerikan Ronald Read, i cili punonte si përgjegjës pallati dhe njihej nga fqinjët si i varfër, ishte në fakt, një njeri shumë i pasur.
Ai kishte punuar për 25 vjet si punonjës karburanti, ndërsa 17 vitet e fundit i kishte kaluar si përgjegjës i një pallati banimi.
Sipas deklaratës së avokatit të tij, 92-vjeçari ishte një person shumë kursimtar dhe edhe kur rrobat i griseshin, në vend që të blinte të reja, i arnonte ato. Avokati ka zbuluar se, ai ishte një milioner me një pasuri prej 8 milionë dollarësh.
Ronald Read la pas vetëm një djalë të birësuar, me emrin Philip Brown, por nuk dihet nëse ia ka trashëguar atij pasurinë.