Zëvendëskryeministrja Mimoza Kusari Lila ka thënë se ka gjasa që situate bllokuese me Maqedoninë të mos përfundojë deri në fillim të javës së ardhshme.
Në emisionin Interaktiv të KTV-së ajo u ka kërkuar falje të gjithë qytetarëve të Kosovës që janë prekur në mënyrë direkte nga bllokadat në kufi me Maqedoninë që tashmë po zgjasin disa ditë. Ajo ka thënë se qasja e Maqedonisë ka qenë e gabueshme, dhe se vendimi i Kosovës ka të bëjë edhe me faktin se vendi duhet të tregohet i barabartë në të gjitha raportet me fqinjët.
Kusari – Lila pohoi Kosova ka pritur deri më 2 shtator kur Maqedonia kishte premtuar se do të hiqte embargo për miellin, dhe pasi që kjo nuk ka ndodhur ka vepruar. Duke folur për tema të tjera, Kusari – Lila ka thënë se kurrë nuk i ka thënë Ilir Dedës se paratë e KEK-ut i kanë marrë anëtarët e kabinetit qeveritar dhe se deklarata e deri tash mikut të saj të mirë, e ka befasuar. Ajo e ka ftuar Dedën të shkojë në gjykata, nëse ka informacione.
Sa i përket shkarkimit të Fadil Malokut nga KQZ-ja ajo tha se largimi nuk lidhej me debatin për logon, por për një sërë shkeljesh që sipas saj Maloku i ka bërë e që kanë të bëjnë me keqpërdorim të veturës zyrtare, të telefonave e laptopëve. Kusari – Lila gjithashtu pohoi se Pacollit i ishte ofruar nga shumë njerëz që të blinin vota në emër të tij, porse ai nuk ishte pranuar.