Në drejtimin rrugor Shkup Veles, përgjatë manastireve, për shkak të shembjeve, komunikacioni po zhvillohet nëpër një korsi në gjatësi prej 4 deri 5 metra. Në vendin e ngjarjes është vendosur sinjalizim adekuat rrugor, kumtoi LAMM.
Sipas informatave të cilat LAMM i mori nga NP Rrugët e Maqedonisë, komunikacioni në të gjitha rrugët e vendit po zhvillohet nëpër rrugë të lagështa.
LAMM bën thirrje për vozitje të kujdesshme në aksin rrugor R1205 Krupishtë-Probishtip afër fshatit Neokazi, për shkak të dukurisë së dëmtimit të korsisë së majtë, shikuar në drejtim të rrugës Probishtip-Krupishtë, komunikacioni po zhvillohet me radhë, vetëm nëpër korsinë e djathtë. Intensiteti i komunikacionit në drejtimet rrugore jashtë mjediseve urbane është shtuar. Në vendkalimet kufitare nuk ka pritje më të gjata për hyrje dhe dalje nga vendi.