Boksieri nga Kosova, Haxhi Krasniqi, nesër në Rostock të Gjermanisë, do të luftojë për titullin e botës në versionin WBO, në kategorinë gjysmë të rëndë.
Do të jetë Jurgen Brahmer, kundërshtari i Haxhi Krasniqit.
Krasniqi njihet për dashurinë që ka për Kosovën, ku pas çdo meçi, viziton Kosovën.
Madje Haxhi Krasniqi, gjatë meçeve të tij, në ring ngjitet me këngën e këngëtares së madhe shqiptare, Nexhmije Pagarusha, “Bareshën”, dhe në meçin e nesërm, do ta bëjë një gjë të tillë.
Krasniqi kur ishte në Kosovë herën e fundit, pati thënë se kënga “Baresha”, është një këngë që e pëlqen shumë.
