Gjykata e Kasacionit në Itali, ka konfirmuar dje pafajësinë për ish – kryeministrin Silvio Berluskoni ku akuzohej për shfrytëzim prostitucioni me persona minorenë.
Edhe pse në shkallën e parë Berluskoni ishte shpallur fajtorë dhe ishte dënuar me shtatë vjet burg nga Gjykata e Milanos, gjykata e shkallës së dytë e shpalli të pafajshëm.
Seanca e djeshme gjyqësore zgjati më shumë se 9 orë, ku u hodhën poshtë ankesat e prokurorit të Përgjithshëm të Milanos, Pietro De Petris.
Në vitin 2013, një gjykatë gjeti se ai kishte paguar për të bërë seks me një kërcimtare klubesh nate 17- vjeçare, Karima El- Mahroug.
Ai, prej atij viti e deri tani ka vuajtur një dënim me punë në shërbim të komunitetit, pasi ishte dënuar për mashtrim me taksat.