Lideri i AAK-së, Ramush Haradinaj përmes një shkrimi e ka quajtur kryeministrin e vendit Isa Mustafa rrencë ordiner.
Pas kësaj akuze ka reaguar Isa Mustafa, duke thënë se nuk është në traditën e shqiptarëve të fyejnë. Në një postim në Facebook ai ka thënë se i vjen keq që t’ia kthejë Haradinajt përgjigjen me një gjuhë edhe më të keqe dhe argumentuese.
Lexojeni të plotë postimin:
Nuk dëshiroj të komunikoj me një gjuhë të degraduar, sepse ne liderët nuk jemi të vetëm. Janë qytetarët, fëmijët, gratë e burrat, vendorët e ndërkombëtarët ata e ato që na përcjellin dhe na vështrojnë.
Nuk është në nivelin e as në traditën e atyre që përfaqësojnë kulla e trimëri, që të ofendojnë. Sepse, kurrë këto të dyja nuk kanë shkuar bashkë. Ose ata që ofendojnë duhet të tregojnë se kanë hequr dorë nga tradita e tyre.
Kjo vlen edhe për z. Ramush Haradinaj. Ai mund të pretendoj të jetë një lider duke ofenduar, por nuk mund të jetë i respektuar me gjuhën që po e përdorë.
Mua më vjen keq. Më vjen keq nëse duhet që një ditë t’ia kthej me të njëjtën gjuhë ose me një gjuhë edhe më të keqe por gjithsesi argumentuese!