Intervista me të nominuarit për Arritjen e Vitit në sport – “Milingona e Artë 2014”
Manifestimi Arritjet e vitit “Milingona e Artë” 2014 po afrohet drejt finales, tani më janë shpallur të nominuarit në 9 kategori dhe votimi është i hapur deri më 28 shkurt. Për ta njohtuar publikun më mirë me të gjithë të nominuarit, punën e tyre dhe arsyen pse janë nominuar këtë vit, do të sjellim materiale, intervista dhe deklarata nga vetë të nominuarit në secilën kategori.
Këtë vit të nominuar në këtë kategori janë: futbollisti Agim Ibrahimi, karateisti Berat Jakupi, atletja Drita Islami, mundësi Jasin Rexhallari dhe futbollistja Afrodita Salihu. Që të pesë të nominuarit e kësaj kategorie kanë punuar shumë gjatë vitit të kaluar, kanë korrur suksese nëpër sportet e tyre, kanë fituar çmime dhe kanë pasur ndikim tek publiku.
Kështu nis ditën Berati: “Zgjohem herët në mëngjes pasi që bëj stërvitjen e parë. Gjatë stinës së verës, stërvitjet i bëj në natyrë, respektivisht, në vendet e larta malore, Mavrovë, por edhe përreth kejit të lumit Vardar. Pasi përfundojmë me ligjeratat, kthehem në shtëpi ku më pret dreka që e gatuan nëna ime e mrekullueshme. Shpesh ndodh që të bëj edhe pak gjumë, si dhe përgatitem për stërvitjen e dytë.”
Por, a duhet njerëzit të frikohen nga Berat Jakupi? –“Jo, assesi. Ska pse dikush të frikohet prej meje? Për ato që nuk kanë njohuri rreth sportit të karatesë, dua të sqarojë se karateja mbi gjitha është filozofi në vete, mënyrë e mbijetesës, forcimi i karakterit të njeriut, sjellje, kulturë, disiplinë, vetëbesim, respekt.”- ka deklaruar Berati për Milingonën.
Sukses më të madh, Agimi e llogarit Ligën e kampionëve, pasi si çdo futbollist edhe ai e ka ëndërruar ligën e kampionëve si një prej garave më të fuqishme në Evropë.
Çfarë synon të arrish në karrierë? –“Nuk synoj për asgjë, faktikisht punoj cdo ditë, jap maksimumin që të jem më i mirë dhe të jem i kënaqur me atë çka bëj.”
Njerëzit të njohin, të duan, na trego ndonjë gjest, fjalë ose dhuratë interesante nga fansat? –“Po, është kënaqësi kur i gëzojmë fansat tanë, veçanërisht fëmijët apo tifozët e vegjël. Nga ana tjetër edhe ato mundohen me përkrahje të na gëzojnë ndonjëherë edhe me dhurata të ndryshme. Thash dhurata të ndryshme sepse na japin lloj – lloj fotografi vizatime e shumë gjëra tjera”, ka deklaruar futbollisti Agim Ibraimi për Milingonën.
Drita ushtron shumë, por asnjëherë nuk e lë anash mësimin, meqë është nxënëse e vitit të katërt, ajo mundohet që t’i koordinojë mirë punët që të korr suksese në të dyja sferat. Ajo ushtron çdo ditë nga 2 deri në 3 orë, ndërsa në fazën përgatitore stërvitet edhe nga dy herë në ditë.
Kush është idhulli yt dhe çfarë synon të arrish? Idhulli i saj është atletja Alison Felix është një atlete nga USA e cila po ashtu vrapon në 200m dhe është një nder më të mirat atlete në botë. Ndryshe, sa u përket aktiviteteve të mëdha sportive edhe Drita e ëndërron Olimpiadën edhe pse pranon se bëhen shpesh edhe padrejtësi, por shpreson që deri 2016 të sqarohen problemet dhe të shkoj ai/ajo që e meriton – ka deklaruar atletja Drita Islami për Milingonën.
Jasin Rexhallari-Mundësi i Lirisë, ka fituar vendin e parë për Maqedoninë në konkurrencë të seniorëve në Lojërat Mesdhetare. Kampion i pakontestueshëm në Maqedoni, ndërsa në Kampionatin Evropian u plasua në çerekfinale. Në kampionatin zgjedhor shtetëror për senior, ai u shpall fitues absolut në kategorinë e tij, 61 kg. Për sukseset e tij, Rexhallari u shpall Sportist i Vitit i Qytetit të Shkupit.
Pasi shqiptarët si komb më shumë i preferojnë sportet individuale dhe aty e tregojnë veten më mirë edhe Jasini ka vendosur që të merret me sportin e mundjes pasi aty e dëshmon veten më mirë. Për tu bërë një mundës i mirë sipas Jasinit kërkon shumë përkushtim, regjim i veçantë duke filluar që nga gjumi,ushqimi dhe stërvitje maksimale brenda 4-6 orë në ditë dhe palestra të veçanta për mundjen.
Cili është synimi për të ardhmen?- Është ëndrra ime për të ndjek rrugën e kampioneve të mëparshëm ,që të synoj piedestalin më të lart për tu bërë një ditë kampion olimpik. Jo më kot legjenda e sportit, i ndjeri Mentas Allajbegu thoshte: “kulmet janë kulme dhe nuk pushtohen lehtë”. Ato i pushtojnë vetëm të rrallët, ata që janë superior, ata që janë më të aftë, më të shpejt, më të fortë, më të shkathet, më të qëndrueshëm fizikisht ose thënë shkurt, ata që arrijnë të bëhen legjenda të sportit botëror.
Futbolli ka qenë sporti i preferuar i Aferditës që nga fëmijëria dhe shpesh herë ka luajtur me shoqëri nëpër fusha të vogla sportive dhe kjo e ka shtyrë atë që të vendos për këtë sport jo shumë të zakonshëm për femrat. Ka pasur eksperienca të tilla kur njerëzit janë habitur kur ajo ka treguar se merret me futboll, pasi ka të tillë që nuk dinë biles që ka futboll për femra në vendin tonë.
Idhulli i saj është Messi ndërsa klubi i preferuar Barcelona. Ëndrra e saj është që një ditë të luaj jashtë shtetit dhe të përfaqësohet në botë si një futbolliste e suksesshme shqiptare nga Maqedonia.