KF Gostivari në fund të afatit kalimtar të janarit solli në radhët e saja edhe një super futbollist, cilësor dhe me përvojë, një emër të njohur për dashamirët e futbollit në Gostivar, mesfushorin Flamur Tairi.
Me ardhjen e Flamurit, konsiderohet i kompletuar ekipi, ashtu siç edhe dëshironte udhëheqësia e KF Gostivarit.
“I njohur për futbollin e Gostivarit pasi gjashtë muaj ka luajtur në Gostivar, lojtar i cili i ka munguar ekipit tonë me karakteristikat që i ka, mesfushor ofenziv, me shume përvojë ku këtë e dëshmoi në ndeshjen kundër Sileksit së behet fjalë për përforcim shume cilësor”, vlerëson trajneri i KF Gostivarit, Mensur Jakupi.
Flamur Tairi premton që me eksperiencën që ka, do të kontribuon në arritjen e objektivit të klubit.
“Gostivari është një qytet i mirë me njerëz të mirë, me njerëz që e duan sportin sidomos futbollin. Unë kam kaluar 6 muaj të mira në Gostivar edhe e njohë ambientin, i njoh lojtarët. Gostivari është bërë një ekip serioz me ardhjen ne kryesi të një sponsori të fuqishëm dhe në staf teknik njerëz që e duan sportin dhe që kanë qenë sportist te dalluar te cilët njihen në opinion si Argjent Beqiri dhe Mensur Jakupi. Jam shumë i kënaqur që jam rikthyer në Gostivar dhe me eksperiencën time të kontribuoj për te arritur objektivat e klubit te cilat tashme dihen. Po punojmë fortë dhe seriozisht bashkë me përforcimet qe kanë ardhur në ekip dhe shpresojmë që të kënaqim sportdashësit e Gostivarit”, theksoi mesfushori Flamur Tairi.
Gjatë afatit kalimtar të janarit, ekipi i KF Gostivarit u përforcua me Elvir Nurishin, Betim Miftarin, Minas Osmanin, Igor Savevskin, Dragan Paunov, Daniel Taleskin, Mujdin Nebiun, Martin Bllazhevskin, Milan Ristovskin dhe së fundmi me Flamur Tairin.