Femrat në Suedi kanë postuar foto të tyre të veshura me shami tradicionale myslimane në internet, në solidaritet me një vajzë që u sulmua për shkak të mbulesës.
Në mesin e grave që marrin pjesë në këtë protestë, janë edhe disa politikane dhe disa që punojnë nëpër televizione, transmeton BBC.
Aktivistët kryesor në “protestën e hixhabit” (mbulesës) i kanë bërë thirrje qeverisë që të sigurojnë që femrat në Suedi të jenë të garantuara për drejtën e lirisë fetare.
Sipas BBC, një femër e lënduar, para disa ditëve është dërguar në spital, pasi që është sulmuar dhe i është grisur mbulesa, e pastaj është goditur në kokë.
Gjatë sulmit, sulmuesi ka filluar të bërtas me ofendime raciste ndaj gruas, e cila ishte shtatzënë.
Mijëra foto janë postuar në Instagram si shenjë solidariteti me gruan nën moton #hijabuppropet. / Portalb.