Presidenti Gjorge Ivanov sot do t’i pranojë letrat kredenciale të ambasadorit të sapoemëruar të SHBA-së në Republikën e Maqedonisë, Jess Bailey.
Bailey, diplomat me karrierë nga departamenti i shtetit, në Shkup vjen nga pozita zëvendësshef i misionit të SHBA-së në Ankara, Turqi, funksion të cilin e ushtronte nga viti 2011. Vjen në vendin e ambasadorit Poll Uollers, i cili në Maqedoni këtë funksion e ushtronte nga viti 2011.
Ka diplomuar në Universitetin “Jejl”, ndërsa ka marrë titullin e magjistrit në Universitetin “Kolumbia”.
Nga viti 2008 deri në vitin 2010, ka shërbyer si drejtor i Zyrës për çështje politike i Kombeve të Bashkuara dhe paraprakisht ka punuar si lider i Ekipit rajonal për rikonstruksion në Erbil, Irak 2007-2008. Ka shërbyer si drejtor i Pres qendrës së Uashingtonit në periudhën 2005-2007 dhe si këshilltar për marrëdhënie me opinionin në Ambasadën e SHBA-së në Hagë, Holandë 2002-2005.
Nga viti 1998 deri në vitin 2002, ka punuar si oficer për çështje kulturore, ndërsa pastaj si oficer për informata, zëdhënës i Ambasadës së SHBA-së në Ankara.
Jess Bailey është konfirmuar si ambasador i SHBA-së në Maqedoni, nga ana e Senatit, në dhjetor të vitit 2014.
Ambasadori shkaktoi reagime në opinionin e Maqedonisë, pasi që në marrjen në pyetje në komitetin për marrëdhënie të jashtme, maqeodnasit i quajti sllovenë.
Paraardhësi i tij Poll Uollers pastaj deklaroi se ajo pjesë e marrjes në pyetje e Baileyt në Senat është nxjerrë nga konteksti dhe se nuk ka ndryshim në politikën qeveritare amerikane ndaj identitetit ose përkatësisë etnike të popullit të Maqedonisë.