Në kontrollin që ishte zbatuar mbrëmë në 16 objekte hotelierike në Pollog (9 në Tetovë dhe 7 në Gostivar) në nëntë janë vërejtur shumë parregullsi në punë. Sipas informatave të SPBsë Tetovë, nëpunësit e të cilit janë përfshirë në aksion, aksioni është vazhdim i atij të djeshëm në të cilën ishin kontrolluar 12 objekte hotelierike.
Në katër objektet e kontrolluara inspektorët e DAPit, dhe Inspektoriati i tregut kanë konstatuar mangësi dhe parregullsi në punën financiare dhe respektimin e ligjeve. Atyre u janë caktuar gjoba në vlerë prej 750 deri në 3.500 euro, ndërsa njërit objekt i është caktuar ndalesë e punës. Gjatë kontrolleve është konfirmuar se dy objekte nuk kanë punuar. Në Tetovë, në pesë objekte është konstatuar shkelje e ligjeve, pas së cilës personave juridikë u është caktuar gjobë në vlerë prej 750 deri në 5000 euro. Në njërin nga lokalet janë zënë edhe dy shtetase të huaja të cilat e kanë keqpërdorur qëndrimin në Republikën e Maqedonisë dhe kanë punuar pa u paraqitur. Gjashtë tetovarëve u është caktuar gjobë individuale për pirje të duhanit në objekte hotelierike. Në kontrollin e aksionit paraprak në dhjetë objekte hotelierike nëpër Pollog, janë zbuluar shumë parregullsi në punë.