Skuadra kampione e La Ligës, Atletico Madrid, e ka filluar me fitore vitin 2015. Të përzgjedhurit e Diego Simeones, kanë mposhtur në Vicente Calderon, Levante, me rezultat 3:1.
Antonio Griezmaan, edhe këtë ndeshje regjistroi përformancë të lartë, duke shënuar dy gola, të parin në minutën e 18’, dhe të dytin në minutën e 47’, duke i dhënë epërsinë 2:0 vendasve.
El Zhar në minutën e 62’, ngushtoi epërsinë në 2:1, por kjo ishte e gjitha që bënë mysafirët.
Diego Godin hipotekoi fitoren duke shënuar në minutën e 82’ për 3:1.
Pas kësaj fitore, Atletico tani ka 38 pikë, sa ka edhe Barcelona në vendin e dytë ndërsa Reali me 39 pikë udhëheq në La Liga.