Qindra miliona njerëz në botë sonte në sheshet e qyteteve të tyre, në qendrat turistike, në kafene, restorante, pabe,… apo në atmosferë familjare, do ta përcjellin vitin 2014 dhe do ta presin Vitin e Ri 2015.
Sipas shembullit të metropoleve botërore, nata më e hareshme do të pritet edhe në sheshin “Pella” në Shkup, si dhe në qytetet e tjera në vend.
Shkupjanët do t’i argëtojnë këngëtari i njohur shqiptar, Mustafa Imeri si dhe këngëtarë të tjerë nga Maqedonia, si Dani, Maja Pançeva, Erik dhe Simona, Esma, Suzana Spasovska, Naum Petrevski, Daniell Kajmakovski dhe Kuku Lele, ndërsa Vitin e Ri 2015 do ta presin me këngët e Elena Ristevskës.
Koncerti i Vitit të Ri do të fillojë në orën 21 dhe duhet të zgjasë deri në orët e hershme të mëngjesit.
Saktë në mesnatë, qielli mbi Shkup do të ndriçohet nga fishekzjarret spektakolare.
Saktë në mesditë para Portës Maqedonia do të arrijë Plaku i Vitit të Ri për më të vegjlit, ku do të jepet një shfaqje për fëmijë, ndërsa do të interpretojë edhe kori “Bilbili i artë”.
Bredhi i Vitit të Ri këtë vit, në ngjyrë të bardhë, është vendosur në sheshin “Pella”, ndërsa rrugët janë zbukuruar me ornamente të Vitit të Ri.