Hovit dhe zëvendësuesi i tij Vajgëll për vizitë në Maqedoni
Deputeti në Parlamentin evropian dhe ish raportues për Maqedoninë, Riçard Hovit sot në BEInfo Qendrën në Shkup do të mbajë ligjëratë. Siç informojnë nga BEInfo Qendra, në ligjeratën e euro deputetit britanik do të marrin pjesë përfaqësues të institucioneve qeveritare, të shoqërisë civile, si dhe nga ambasadat e anëtareve të BEsë.
Pas ligjeratës, Hovit do të mbajë konferencë të përbashkët për shtyp me Ivo Vajgëll, i cili është raportues i ri për Maqedoninë në Parlamentin evropian. Riçard Hovit dje u takua me kryeministrin Nikolla Gruevski, me të cilin. siç kumtoi shërbimi qeveritar për shtyp, e vlerësuan pozitivisht bashkëpunimin e deritanishëm, duke shprehur angazhime për vazhdimin e komunikimit në tema të interesit të përbashkët.
Kryeministri Gruevski i shprehi falënderim euro deputetit Hovit, për angazhimin e tij të deritanishëm dhe kontributin nl zbatimin e reformave dhe përparimin e Republikës së Maqedonisë drejt BEsë. Kryeministri dha edhe vlerësim pozitiv për mbështetjen të cilën PE vazhdimisht ia mundëson Republikës së Maqedonisë në procesin e avancimit të gjendjeve dhe përmbushjen e standardeve evropiane. Dy bashkëbiseduesit folën edhe për planin qeveritar të aksionit për reformat e ardhshme, që është përgatitur në pajtim me rekomandimet e Komisionit evropian.
Hovit theksoi se edhe në periudhën në vijim, si edhe deri më tani, në kuadër të angazhimeve të veta do të vazhdojë ta mbështesë Maqedoninë në procesin e arritjeve të standardeve evropiane dhe euroatlantike.