Javës që shkoi revista “Glamour”, publikoi një foto ku Scarlett mbante në gisht një unazë martese, çka zgjoi dyshimet se ata mund të ishin kurorëzuar në një ceremoni të fshehtë. Por sot, New York Post raportoi se aktorja dhe gazetari francez kishin vënë kurorë, pak kohë pas lindjes së vajzës së tyre Rose, në shtator.
“Scarlett dhe Romain janë martuar në një ceremoni intime pas lindjes së vajzës së tyre. Ata e mbajtën dasmën një sekret të madh, sepse të dy dëshironin privatësi.” Edhe martesa e parë e Scarlett me Ryan Reynold në 2008, ishte intime, kështu që kjo zgjedhje nga ana e saj nuk ishte surprizë.