Willie Murphy është shumë e kënaqur me stilin e saj të jetës dhe formën që e posedon. Ngritja e peshave, thotë, i ka mundësuar që pa probleme të merret me nipat dhe mbesat dhe të shkojë në shitore pa ndihmën e askujt.
Ajo me bodibuilding ka filluar të merret para disa vitesh. Sot i ka 77 vjet dhe është në formë të cilën ia kanë zili shumë njerëz të rinj. “Kurrë nuk them ‘s’mundem’”, u tha Willie gazetarëve amerikanë.
Duhet përmendur se ajo i ka 48 kilogramë, por pa ndonjë problem të madh i ngritë gati 100 kg. Përveç kësaj bënë pompa me një dorë, si dhe me gishtërinj. Gjithmonë është e buzëqeshur dhe me ngritjen e peshave e ka ndërmend të merret deri në fund të jetës.
