Këngëtarja me famë botërore, Jessie J, do të performojë në qendër të Tiranës më datën 29 nëntor.
Koncerti do të jetë falas dhe organizohet për festat e 28 dhe 29 nëntorit, Dita e Flamurit dhe Dita e Çlirimit.
Edhe vetë këngëtarja e ka konfirmuar atë me një postim në Facebook, duke premtuar “një koncert të veçantë”, transmeton Telegrafi.
“Për të festuar Ditën e 70-të të Çlirimit të Shqipërisë, Jessie do të performojë në një koncert të veçantë pa pagesë për Ditën Kombëtare të Shqipërisë, në Tiranë më 29 nëntor!”, shkruhet në postimin e saj.