Teste elektronike do të japin edhe kandidatët që do të dëshirojnë të fitojnë licencë për punë në sigurimin privat në shtet. Me këtë zvogëlohet mundësia e manipulimit dhe pritet që me këtë të përmirësohet kualiteti i kuadrove të këtij profesioni. Kështu deklaroi ministrja e Punëve të Brendshme Gordana Jankullovska në shënimin e ditës së sigurimit privat.
“Në fund të këtij viti vendoset edhe sistem komplet i ri i verifikimit të diturisë që nënkupton dhënie elektronike të provimeve, me miliona kombinime. Kjo do të thotë se praktikisht vendoset në të pamundur çfarëdo qoftë veprimi subjektiv në procesin e bartjes së vendimit nëse provimi është dhënë ose jo”, sqaroi Jankulloska duke shtuar se me këtë mënyrë të dhënies së provimit para se gjithash u lehtësohet dhe mundësohet kandidatëve në mënyrë objektive, dituria e tyre të verifikohet dhe vlerësohet, ndërsa promovohet edhe sistem më i lartë të cilësisë në pjesën e trajnimit dhe të verifikimit të diturisë.
Në pajtim me evidencën nga Regjistri qendror, rreth pesë mijë persona janë punësuar në veprimtarinë e sigurisë private, ndërsa MPB-ja ka lëshuar rreth 190 leje për punë, nga të cilët në pajtim me evidencën e Odës, punojnë 59 Agjenci për punësim.