Në tentim për të zvogëluar dhunën në futboll në Argjentinë, stinori i ri do të nisë këtë fundjavë vetëm me shikuesit që janë anëtarë të klubit. Në stadium nuk do të lejohet hyrja e tifozëve të tjerë, si dhe e atyre të skuadrave mysafire.
Rregulli i vendosur nga Federata e Futbollit e Argjentinës, me mbështetje të qeverisë, është në fuqi për dy javët e para, njoftoi agjencia amerikane e lajmeve AP. Pas kësaj, plani është që të vazhdohet suspendimi për tifozët mysafirë.
Gati çdo ndeshje në elitën e futbollit argjentinas është e kërcënuar nga dhuna. Muajin e kaluar, dy tifozët të skuadrës Boca Juniors kanë humbur jetën nga të shtëna me armë mes fraksioneve rivale të bandave huligane që përkrahin skuadrën e famshme të Buenos Airesit. Dhuna ndodhi në një ndeshje përgatitore kundër San Lorenzos. Federata është akuzuar se ka bërë pak për të ndaluar dhunën.