Një ndërtesë katër katëshe në Vaqarr është shembur me lëndë eksplozive përmes shpërthimit të telekomanduar.
Godina, e cila ishte në ndërtim e sipër, u shemb nga Inspektorati Ndërtimor Urbanistik Kombëtar në kuadër të projektit për zgjerimin e aksit Tiranë-Vaqarr.
A1 Report transmetoi Live shembjen e ndërtesës shumëkatëshe dhe ajo që u vu re është fakti se godina u shemb menjëherë pas sinjalit, duke mos u dashur komanda të tjera.
Ndërtesa ndodhej pranë Urës së Beshirit dhe asnjë nga objektet që ndodheshin pranë saj nuk u dëmtuan nga shpërthimi i telekomanduar. /Shqiptarja/
