Nesër, e diel, kur është planifikuar të mbahet Kongresi i PDSH-së në krye me Menduh Thaçin, Lëvizja për Reforma e PDSH-së në Saraj me Ziadin Selën ka paralajmëruar se do të mbajë një kuvend reformues në këtë komunë.
Ky aktivitet shënon njërën prej pikave kulminante të përplasjes ndërmjet Menduh Thaçit dhe Ziadin Selës. Ky i fundit ka nisur një fushatë për reformimin e partisë, duke kërkuar largimin e Thaçit, të cilin e fajëson për humbjet e vazhdueshme të partisë në zgjedhje.