Taulant Xhaka me padurim e pretë përballjen me Serbinë, në kuadër të eliminatoreve për Euro 2016. Kosovari premton se me 14 tetor do ta bëjmë krenare Shqipërinë e Kosovën.
Kanë mbetur edhe dhjetë ditë deri te përballja Serbi-Shqipëri, e cila do të zhvillohet me 14 tetor në Beograd, në kuadër të eliminatoreve për Euro 2016.
Taulant Xhaka me padurim e pretë përballjen me Serbinë, derisa premton se me 14 tetor do ta bëjmë krenare Shqipërinë e Kosovën.
”Do të luftojmë për jetë kundër Serbisë. Dhe, do ta bëjmë Shqipërinë dhe Kosovën krenare. Megjithatë, futbolli është futboll”, ka deklaruar mbrojtësi i Baselit, përcjell Panorama Sport.
Ai ka thënë se nuk e ka pasur të vështirë t’i bashkohet Shqipërisë, edhe pse kishte një opsion që të luaj me Zvicrën.
“E kam pasur ëndërr të luaja për Shqipërinë. Tifozët e Shqipërisë janë të mrekullueshëm me atmosferën që e krijojnë dhe pa tifozë të zjarrtë nuk ka futboll. Unë mezi pres të paraqitem para atmosferës që vetëm ata dinë ta krijojnë”, përfundoi prishtinasi.