Sot kryetarja e Tetovës, Teuta Arifi në hapësirat e komunës së Tetovës takoi ambasadorin turk në Republikën e Maqedonisë, Halil Gyrol Sokmensuer.
Gjatë takimit u diskutua për marrëdhëniet e shkëlqyeshme dhe nevojën e thellimit të bashkëpunimit të komunës së Tetovës me komunat e Republikës së Turqisë si dhe realizimin e projekteve të përbashkëta dhe marrjen e përvojës turke në menaxhimin e njësive të vetqeverisjes lokale.
Ambasadori turk uroi zonjën Teuta Arifi për zgjedhjen e saj si kryetare e qytetit të Tetovës ndërsa kryetarja Arifi informoi mbi planet e forcimit të demokracisë lokale përmes modernizimit të administratës komunale si dhe ngritjes së transparencës dhe llogaridhënies gjatë punës së autoriteteve komunale dhe ndërmarrjeve publike të qytetit.