Shqipëria dhe Serbia do të lidhen tashmë me linjë ajrore midis tyre. Lajmi konfirmohet nga linja kombëtare ajrore e Serbisë, Air Serbia, e cila njofton se fluturimet Beograd-Tiranë do të nisin në datën 23 shtator të këtij viti. Shefi ekzekutiv i kësaj linje, Dane Kondic, e ka konsideruar këtë vendim si emocionues dhe shumë të rëndësishëm. Ai është shprehur se Tirana konsiderohet si një prej qendrave më të rëndësishme të biznesit dhe tregtisë në Europën Juglindore.
“Hapja e shërbimit drejt Tiranës është emocionuese dhe një veprim i rëndësishëm në rrjetin tonë rajonal. Linja e re do t’iu ofrojë mysafirëve tanë nga Tiranë më shumë mundësi zgjedhje për të udhëtuar në Beograd, apo në rajonin e Ballkanit, Mesdhe dhe Europë. Linja e re do të mbështës gjithashtu rritjen e shkëmbimeve tregtare midis Serbisë dhe Shqipërisë, pasi Tirana është një prej qendrave më të rëndësishme të biznesit dhe tregtisë në Europën Juglindore”, ka thënë Dane Kondic.